4 маусым – Қазақстан Республикасының Мемлекеттік рәміздер күні
Бүгін мектебімізде Қазақстан Республикасының Мемлекеттік рәміздер күні аталып өтуде. Бұл мереке – еліміздің тәуелсіздігін, бірлігі мен ұлттық мақтанышын айшықтайтын ерекше күн.
Қазақстан Республикасының Мемлекеттік Туы, Елтаңбасы мен Әнұраны – халқымыздың тарихын, мәдениетін, рухани құндылықтарын және жарқын болашаққа деген ұмтылысын білдіретін қасиетті нышандар.
Мемлекеттік рәміздерді құрметтеу – Отанды сүюдің, елге деген адалдық пен жауапкершіліктің көрінісі. Олар жас ұрпақты отансүйгіштікке тәрбиелеп, ұлттық құндылықтарды қадірлеуге үндейді.
Осы айтулы күні баршаңызды Мемлекеттік рәміздер күнімен құттықтаймыз! Елімізге деген сүйіспеншілік, мемлекеттік рәміздерге деген құрмет пен туған жерге деген мақтаныш әрдайым жүрегімізден орын алсын!
Мемлекеттік рәміздер күні құтты болсын!
