Мектепте «Заң және тәртіп» айлығы аясында онлайн ата-аналар жиналысы өтті.
Кездесудің мақсаты — ата-аналардың құқықтық сауаттылығын арттыру, отбасы мен мектеп арасындағы өзара байланысты нығайту, сондай-ақ кәмелетке толмағандар арасындағы құқықбұзушылықтардың алдын алу.
Жиналыс барысында төмендегі күн тәртібі қаралды:
1. «Балаларды тәрбиелеу, оқыту және асырау бойынша ата-аналардың жауапкершілігі».
Баяндамашы: тәрбие ісі жөніндегі директордың орынбасары Рейбандт Г.Н.
Ата-аналарға балаға қатысты міндеттерді орындаудың маңыздылығы және оның мінез-құлқына жауапкершілік туралы түсіндірілді.
2. «Отбасылық тәрбиенің баланың мінез-құлқы мен дамуына әсері».
Баяндамашы: педагог-психолог Сатанова М.Ж.
Отбасының баланың тұлға ретінде қалыптасуындағы рөлі, үйдегі эмоционалдық ахуал және ата-ананың қолдауы туралы мәселелер қозғалды.
3. «Заң және тәртіп: Қазақстан Республикасындағы отбасы мен мектептің құқықтық алаңы».
Баяндамашы: әлеуметтік педагог Вольшмид С.В.
Қатысушыларға балалар мен ата-аналардың құқықтары мен міндеттерін реттейтін негізгі нормалар, сондай-ақ мектеп пен отбасының ынтымақтастық қағидалары түсіндірілді.
Жиналыс қорытындысы бойынша ата-аналар пайдалы ұсыныстар мен кеңестер алып, онлайн формат барлық қатысушыларға маңызды мәселелерді талқылауға мүмкіндік берді.
