«Естелік эстафетасы: өткенді сақтай отырып — болашаққа қамқорлық»
Ұлы Жеңіс күні қарсаңында «Таза Қазақстан» акциясы аясында Ұлы Отан соғысы батырларына арналған ескерткіш маңында естелік эстафетасы — сенбілік өтті.
Мектеп оқушылары мен ұстаздары мемориал аумағын ретке келтірді: жазуларды жаңартып, айналаны тазалап, абаттандырды.
Бұл шара жай ғана тазалық жұмысы емес, тарихи жадымызды сақтауға және ата-бабалар ерлігіне құрмет көрсетуге бағытталған маңызды қадам болды. Осындай іс-шаралар ұрпақтар сабақтастығын нығайтып, туған жерге деген жанашырлықты қалыптастырады.
Барлық қатысушыларға белсенділік пен жанашырлықтары үшін алғыс білдіреміз!
